Rreth 1 mijë kuintalë patate prodhon çdo vit Stëbleva e Librazhdit ndërsa duket se tregu po shkon drejt përmirësimit edhe pse ende ka shumë punë për të bërë në këtë drejtim. Fermerët tashmë ndodhen në fazën e mbledhjes së prodhimit ndërsa tregtarët e grumbullojnë atë direkt në fshat. Patatja e Stëblevës është e njohur në treg për cilësinë e saj dhe kjo falë praktikës së fermerëve për ta lënë pataten në tokë rreth 5 muaj. Po ashtu heqja e tarifës doganore për farën e patates duket se ka sjellë lehtësime.
