Dalin pamjet video nga plagosja e Rudolf Tomës, biznesmenit nga Laçi që u qëllua me armë zjarri më datë 7 shtator të vitit 2017. Në videon e mëposhtme shihet momenti ku katër persona të armatosur mësyjnë në lokalin e Tomës.
Fillimisht njëri prej tyre qëllon në ajër, më pas afrohet në tavolinën ku është ulur Toma dhe rrëzon një karrige më shkelm.
Pasi turma shpërndahet, në skenë futet një tjetër person që në duar mban një automatic. Më pas në video shihet momenti kur i dyshuari kryesor i kësaj ngjarjeje, Fabjan Gaxha qëllon disa herë biznesmenin nga Laçi, shkruan Dosja.al.
Fabjan Gaxha mbeti i vrarë mbrëmjen e 4 tetorit të një viti më parë gjatë Far-Westit në zonën e Ish-Bllokut.
