Detaje të reja kanë dalë nga vrasja e Besnik Hidës në Lushnje.
Mësohet se një javë para vrasjes, Hida njoftoi policinë një javë para vrasjes, madje i dorëzoi atyre edhe pamjet filmike të të kërkuarve.
Burimet bëjnë me dije se viktima kishte paralajmëruar për rrezikun që i kanosej. Madj ai kishte marrë të dhëna edhe për autorët e mundshëm.
Kunati i viktimës, Fatos Latifi, i cili dy vite më parë humbi dhe të birin, Zamir Latifin thotë se kanë raportuar vazhdimisht në polici lëvizjet e dyshimta të atyre që i akuzojnë si atentatorë.
“Policia këtu është zero. I kemi raportuar për vendndodhjen e tyre, tani personat që ne dyshojmë, ata janë grup i madh, shteti e di shumë mirë. Ne i kemi dhënë një video shtetit, që kur është bërë organizimi, ku është bërë organizimi. Kur u vranë çunat, deri tani nuk është bërë asnjë lloj arrestimi “, shprehet Fatos Latifi, kunati i viktimës.
Dy vrasjet e Latifitit dhe Hidës dyshohen si të lidhura me larjet e hesapeve mes dy grupeve rivale të Aldo Bares dhe Laert Haxhiut, gjë që familjaret e hedhin poshtë. Latifi tregon se përse po e akuzojnë sot policinë.
“Makina e policisë nuk ka qenë më tepër se 20 metra larg nga vendi ku u bë masakra. Po e njëjta gjë ndodhi edhe aty si para dy vitesh. E bënë vrasjen, vajtën për në makinë , 5 minuta nuk u ndizej makina atentatorëve dhe për pesë minuta mund të vish nga rrogozhina aty, jo nga ku ishte policia deri aty”, tregon Fatos Latifi.
Dy viktimat që u ekzekutuan me diferencë kohore prej 2 vitesh ishin dajë e nip. Zamir Latifi njihej në Lushnje si mik i ngushtë i Aldo Bares, por i ati thotë se familja e tij nuk ka lidhje me larje hesapesh.
