Bumçi: Berlini i ka hapur dyert shqiptarëve, por i ka vendosur kushte “të sëmurit” që e ka futur vendin në krizë!!!

0
113

Ish-deputeti i Partisë Demokratike, Aldo Bumçi, deklaroi në studion e Ditari në A2 se “qëndrimi i Gjermanisë u thotë shqiptarëve që e keni derën e hapur në BE”, në një kohë kur, sipas tij, “Serbia dhe Mali i Zi janë para nesh, kur edhe Maqedonia e Veriut pret hapjen e negociatave me të drejtë, lënia mbrapa e Shqipërisë, që do të ishte në një grup me Bosnjen dhe Kosovën, do të ishte një mesazh jo i mirë për shqiptarët”.

“Berlini ka thënë “po, Shqipëria i përket Evropës, por qeveria duhet të plotësojë 9 kushte”. Holanda e bëri të qartë qëndrimin e saj kur hapi debat për kthimin e vizave me ne, ndërsa Franca nuk është shprehur deri tani”, theksoi Bumçi.

Sipas ish-deputetit, kryeministri Edi Rama “ka kërcënuar me trazira në Ballkan nëse i hapen negociatat vetëm Maqedonisë së Veriut”.

“Në pamundësi për ta kthyer këtë vend në një hapësirë që i ngjan Evropës, i ka mbetur të bëjë vetëm këto veprime të dëshpëruara”, tha Bumçi

Kur u pyet në lidhje me Reformën Zgjedhore, Bumçi u shpreh: “Nëse je i sëmurë rëndë, nuk nisesh dot nga makiazhi apo rregullimi i flokëve. Sëmundja është e thjeshtë: jemi në vitin e 7 të qeverisjes së Edi Ramës, i cili qeveris i vetëm. Ka kapur të gjitha institucionet e vendit dhe ekonomia shqiptare ka hyrë në një spirale krize”.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here