Prej 20 ditësh punëtorët, të cilët punojnë me turne janë pa punë .Ditën e sotme së bashku me përfaqësues kërkojnë zgjidhje sepse këta punëtorë të ardhur nga Ballshi ,Patos dhe Fier janë kryefamiljarë, ndaj e vetmja e ardhur është puna në këtë rafineri.
Menaxheri i rafinerisë Fisnik Sopa së bashku me përgjegjësen e laboratorit Klodiana Oshafi shprehen se duan kapacitet të plotë furnizimit me lëndën e parë bruto, plot 50 mijë ton dhe jo 30 sa furnizohen ata.
Edhe vetë punëtorët shprehen se kërkojnë zgjidhje tek vetë shteti sepse ai është mbështetësi i vetëm i kësaj rafinerie .”Shteti të na mbështesë, pasi është bankersi që e funizon me lëndën e parë këtë uzinë, me cdo shërbim jemi në rregull duam vetëm të na sigurohet puna e të sigurojmë mirëqenie të familjeve tona është e vetmja e ardhur”, shprehet punëtori.
Gjithashtu prezent ditën e sotme ishte edhe nën kryetari i parlamentit Myslym Murruzi, i cili bashkëbisedoi me punonjësit dhe ditën do të diskutojë me gjithë deputetët e qarkut mbi ndryshimet e ligjeve të funksionimit të uzinës e naftës bruto e gjithë Marinzës që të mbetet në Shqipëri.