Standard.al

75-vjetori i Çlirimit të Atdheut/ Presidenti Meta: I lumtur të takoja Mario Brunettin, ja çfarë diskutuam!

0

Presidenti i Republikes se Shqiperise, Ilir Meta ka reaguar nepermjet nje postimi ne Facebook mbi pershtypjet e marra nga takimi me gazetarin dhe shkrimtarin e njohur Mario Brunetti.

Postimi i plote :

I lumtur të prisja sot mikun tim të vjetër arbëresh, Mario Brunetti, gazetarin, shkrimtarin, përfaqësuesin legjendar të arbëreshëve në Senatin dhe Parlamentin Italian, dhe një nga studiuesit më të mëdhenj të veprës së Antonio Gramshit.
Në këtë jubile të 75-vjetorit të Çlirimit të Atdheut, si një veteran antifashist, krenar për origjinën e tij, ndamë me Mario Brunettin shumë ide lidhur me domosdoshmërinë e një vlerësimi serioz dhe historik të figurës së Antonio Gramshit.
Me këtë rast nderojmë edhe luftëtarët italianë e arbëreshë antifashistë, të cilët luftuan krah për krah me partizanët, këtu në Shqipëri, në Batalionin heroik që mbajti emrin e lavdishëm të Antonio Gramshit, si pjesë e Brigadës së Parë Sulmuese. Shumë prej tyre dhanë jetën për lirinë e Shqipërisë dhe është detyrimi ynë të nderojmë jetën dhe veprën e tyre, në këtë 75-vjetor të Çlirimit të Atdheut.
Po kështu diskutuam edhe për konkretizimin së shpejti të nismës “U’ jam Arbëresh”, ku roli i Mario Brunettit është shumë frymëzues.

Leave A Reply

Your email address will not be published.

This site uses Akismet to reduce spam. Learn how your comment data is processed.