Zëdhënësja e BE-së komenton “hetimin” e Ilir Metës, Presidenca: Nga e hëna nis publikimi i…

0
159

Zëdhënësja e BE për Punët e Jashtme dhe Politikat e Sigurisë, Maja Kocijancic, ka komentuar zhvillimet më të fundit në politikën shqiptare, përfshi edhe nismën e deputetëve të Rilindjes për shkarkimin e Ilir Metës nga posti i Presidentit, me argumentin se shkeli kompetencat kushtetuese, lidhur me anullimin e mbajtjes së zgjedhjeve vendore, përmes një dekreti, në datën 30 qershor.

Dekreti i Metës nuk u mor parasysh nga Rilindja, e cila përdori fillimisht KQZ-në për t’a zhvlerësuar atë, edhe pse dekretet e Presidentit mund të interpretohen vetëm nga Gjykata Kushtetuese.

Kocijancic u pyet nga Faxnews, për qëndrimin që ka BE për këtë nismë, lëvizjet që pritet të ndërmërrin përfaqësuesit e Komisionit të Venecias, si dhe nëse situate e krijuar a do të ndikojë në procesin e integrimit dhe në vendimin për hapjen e negociatave.

“BE-ja është e vetëdijshme që u krijua një komitet hetimor për këtë çështje dhe se u mbajt seanca dëgjimore që përfshin Presidentin. Çështja u dërgua gjithashtu për shqyrtim në Komisionin e Venecias, i cili do të shqyrtojë aspektet ligjore. Hetimi dhe rishikimi i jashtëm nga Komisioni i Venecias janë duke vazhduar. Prandaj BE nuk ka ndonjë koment.

Partitë politike duhet të përfshihen në një dialog të mirëfilltë, në një frymë të mirëkuptimit të ndërsjellë, pa parakushte, dhe të tregojnë përkushtim të vendosur për të gjetur konsensus për një rrugë përpara.

Këshilli ka identifikuar qartë çështjet që dëshiron të shohë përpjekje të mëtutjeshme, që është ajo që Shqipëria duhet të vazhdojë të japë në funksion të diskutimit të ardhshëm nga Shtetet Anëtare të BE-së në Këshillin e Çshtjeve të Përgjithshme më 15 tetor”, tha Kocijancic për Fax News.

Ndërkohë ka reaguar edhe Presidenca, përmes zëdhënësit, Tedi Bludhi.

“Ju lutem dërgojini znj.Koçijançiç raportin final të misionit të OSBE/ODIHR për turpin e 30 qershorit, ku flitet dhe për dekretin e Presidentit Meta.

Po kështu tregojini që Presidenti Meta është shumë i kënaqur që Kuvendi ka ftuar Komisionin e Venecias të vlerësojë nëse Presidenti Meta ka respektuar apo jo Kushtetutën.

Nga e hëna do bëhet publik raporti i Presidencës për Komisionin e Venecias dhe për të gjithë institucionet demokratike, se si Presidenti Meta ka mbrojtur në mënyrën më transparente, jo vetëm Kushtetutën e Republikës së Shqipërisë, por edhe detyrimet e vendit ndaj Konventës Europiane të të Drejtave të Njeriut dhe po kështu detyrimet ligjore që burojnë nga Marrëveshja e Stabilizim Asociimit midis Shqipërisë dhe Bashkimit Europian”, thuhet në reagimin e Blushit.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here