Standard.al

A ka pasur vërtet plan qeveria për një “Rajshtag shqiptar”?!

0

Në mbledhjen e sotme të Komisionit Hetimor, Presidenti Meta bëri një deklaratë të fortë ku tha se kishte marrë informacione sekrete se në datën 8 Qershor rrezikohej të digjej Kuvendi i Shqipërisë.  “Në mënyrë të vecantë në datën 7 qershor një ditë para se presidenti të bënte publik vendimin për shfuqizimin e datës 30 qershor ka marrë një informacion që është sekret dhe i klasifikuar, nëse komisioni do të njihet mund të ndodhë, pasi të merrej leja dhe te verifikohen certifikatat e sigurisë të anëtarëve të komisionit. Me pak fjalë, ky informacion bënte të qartë që persona të caktuar do të përpiqeshin të shfrytëzonin mitingun e opozitës më 8 qershor, edhe për djegien e kuvendit të Shqipërisë. Ishte informacion i ri por i besueshëm nëse kemi parasysh protestat e mëparshme, ngjarjet para kuvendit të Shqipërisë.”- tha Meta.

E në fakt theksi në deklaratën e Presidentit duhet vendos te fraza “persona të caktuar do të përpiqeshin të shfrytëzonin mitingun e opozitës”. Pra kreu i shtetit ka marrë informacione të klasifikuara se persona të caktuar me axhendë të mirëpërcaktuar do përpiqeshin të shfrytëzonin protestën e opozitës për të kryer akte tejet të dhunshme, deri në djegien e Kuvendit. Pra kreu i shtetit ka pohuar qartë se ky rrezik nuk do vinte nga vetë protesta e opozitës, por nga njerëz që do e shfrytëzonin këtë protestë si trampolinë për ta çuar vendin drejt konflikit civil.

Po kush mund të ishin këta njerëz ose më saktë kush fshihet pas tyre?! Partia Demokratike e dha sot një ide duke konfirmuar përmes sekretarit të saj të përgjithshëm Gazmend Bardhi se ka qenë qeveria ajo që është përpjekur për të krijuar një “Rajshtag shqiptar”.

Por cfarë ishte “zjarri i Rajshtagut”? Djegja e ndërtesës së Rajshtagut më 27 shkurt 1933 ishte  një prej stacioneve kryesore të forcimit të diktaturës naziste.  Përmes saj, Hitleri nxorri jashtë loje opozitën e kohës duke vendosur përfundimisht diktaturën naziste në Gjermani. “Në këtë këndvështrim, duhet të lexohet edhe deklarata e Presidentit Ilir Meta, i cili u shpreh se “nuk mund të pranonte një Rajshtag në Shqipëri”. Të gjithë e dinë se me djegien e dyshimtë të Parlamentit gjerman, Hitleri çimentoi pushtetin nazist pas ardhjes në pushtet pak kohë para djegies së Rajshtagut.”- deklaroi Bardhi.

SHENIM NGA: STANDARD.AL

Djegia e Rajshtagut ne 27 shkurt 1933

 

 

 

Leave A Reply

Your email address will not be published.

This site uses Akismet to reduce spam. Learn how your comment data is processed.