Dosja “184”, Prokurorët në Dibër zihen ngushtë: “Pse jemi të paaftë ne?”

0
123

Pak ditë më parë Prokuroria e Krimeve të Rënda shpalli moskompetencën për dosjen “184”, duke e dërguar atë në institucionin e akzuzës në Dibër.

Prokurorët e kësaj dosje do të jenë Rifat Kojku dhe Belina Zeneli, ata janë zgjedhur nga drejtuesja e Prokurorisë së Dibrës, Esmeralda Cani.

Ndërkaq ditën e sotme gazetari i Fax News, Enver Doçi ka takuar dy prokurorët që disponojnë dosjen 184 të Dibrës. Doçi zbulon se takimi me Prokurorët e Dibrës u zhvillua në përpara ambinteve të Prokurorisë.

E pyetur nga gazetari se si do veprojë me dosjen 184, prokurorja Belina Zeneli është shprehur se  “pse si mendoni ju se ne jemi të paaftë për ta shqyrtuar këtë dosje?”- duke mos dhënë asnjë prononcim.

Ndërkaq, prokurori Rifat Kojku, i pyetur: “se kë person të implikuar në këtë dosje do të thirrni më parë në Prokurorinë e Dibrës ,Damian Gjiknurin, Ulsi Manjen apo ju keni ndonje emër konkret se kë do thirrni të parin?” Kojku vetëm ka buzëqeshur dhe është shprehur “se ne nuk e kemi vendosur akoma se cilin do marrim të parin në pyetje.”

Kujtojmë se dosja iu dërgua për kompetencë Prokurorisë së Dibrës nga Prokuroria e Përgjithshme pasi u ndryshua vepra penale dhe nuk kishim të bënim me “bashkëpunim në formën e grupit të strukturuar kriminal” .

Në dosje janë të përfshirë eksponent të PS, ku një prej tyre është dhe Arben Keshi, kushëri i Esmeralda Canit.

Për shkak të përfshirjes të Arben Keshit në dosje, Esmeralda Cani nuk mund të ishte pjesë e shortit për marrjen në dorë hetimeve.

Për shkak të rrugëtimit të gjatë të dosjes 184, janë shkaktuar dhe përplasje të forta politike, ku opozita akuzon mazhorancën se përdor prokurorët për të zvarritur zbardhjen e plotë të hetimeve për dosjen 184.

Hetimi për zgjedhjet në Dibër, nisi nga Gentian Trenova, Prokuror i Krimeve të Rënda, por ai u shkarkua nga vettingu. Më pas dosja i kaloi prokurorit të Krimeve të Rënda, Klodian Braho i cili shpalli moskopetencën. Pas gjithë këtij, rrugëtimi, kryeprokurorja Arta Marku urdhëroi transferimin e saj ne Diber.

Kjo lëvizje ngriti pikëpyetje të mëdha, pasi sipas opozitës, “Prokuroria në Dibër nuk i ka kapacitetet për të hetuar një dosje me rëndësi aq të lartë, ndërsa theksoi se kjo është një tentativë për varrosjen e kësaj dosjeje përpra krijimit të SPAK”.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here