Partia Socialiste ka përfunduar mbledhjen e kryesisë ndërsa ish-ministri i Jashtëm, Ditmir Bushati duke analizuar rastin e Valdrin Pjetrit, theksoi para mediave se ky fenomen duhet të çrrënjoset dhe të gjitha subjektet politike duhet t’u japin qytetarëve të saj emrat më të mirë.
Në një komunikim me mediat pas daljes nga selia e PS, ish ministri i jashtëm u shpreh se, forca politike që ai përfaqëson vazhdon të ketë probleme me të kaluarën kriminale të kandidatëve të saj.
Sipas tij, PS është një familje e madhe që bashkë me partitë e tjera suhet të reformohen brenda tyre, për ti dhënë zgjidhje njëherë e mirë problemeve me dekriminalizimin.
“Ne nuk jemi prokurori dhe as gjyqtarë, por kemi përgjegjësinë tonë për vendimmarrjet e gabuara”, shtoi Ditmir Bushati.
Sipas tij, PS duhet të jetë parti e progresit dhe e komunitetit.