DETAJET/ Përfundon në shkrepje automatike një sherr mes të rinjve

0
126

Një sherr mes dy te rinjve ne Bilisht ka degjenuar me përdorimin e automatikut. Në njoftimin e policisë thuhet se në sherr e sipër një 25-vjecar ka qëlluar me automatik drejt 20 vjeçarit me inicialet K.B.

NJOFTIMI I POLICISE

Specialistët e Seksionit për Hetimin e Krimeve në Komisariatin e Policisë Devoll, referuan materialet pranë Prokurorisë si edhe bënë shpalljen në kërkim të shtetasit:

R.F, 25 vjeç, banues në Bilisht.

Mbrëmjen e djeshme, në qytetin e Bilishtit, shtetasi i mësipërm pas një konflikti të çastit për motive të dobëta, dyshohet se ka qëlluar me armë zjarri tip automatik, në drejtim të shtetasit K.B, 20 vjeç, banues në Bilisht, por pa i shkaktuar dëmtime këtij të fundit dhe më pas është larguar me shpejtësi me automjetin e tij.

Gjatë kontrollit të ushtruar në vendin e ngjarjes u gjetën dhe sekuestruan në cilësinë e provës materiale dy gëzhoja dhe një copë fishek luftarak.

Nga ana e Policisë po punohet për kapjen e shtetasit R.F, i dyshuar si autor i kësaj ngjarje.

Materialet i kaluan Prokurorisë pranë Gjykatës së Shkallës së Parë Korçë për veprat penale “Vrasja me dashje, mbetur në tentativë”, “Mbajtja pa leje dhe prodhimi i armëve, armëve shpërthyese dhe i municionit”.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here