Edi Rama do të mbledhë sot asamblenë e PS-së, që do të nisë në orën 16:00.
Asambleja do të nisë me fjalën e tij.
Siç edhe është bërë e rrugës, Rama në fjalën e tij do të flasë për arritjet e mëdha të qeverisjes së tij dhe për votimet monopartiake të 30 qershorit, që ende nuk kanë përfunduar, pasi KQZ-ja ende nuk ka nxjerrë një rezultat përfundimtar.
Një analizë do ti bëhet edhe zgjedhjeve në strukturën e PS-së.
Në mbledhjet e Kryesisë së PS-së është bërë një përmbledhje e rezultateve të qarqeve të zgjedhjeve të 30 qershorit.
Në rendin e ditës së asamblesë që mblidhet sot ora 16:00 janë:
1. Fjala e Kryetarit të PS, Edi RAMA.
2. Analizë mbi rezultatet e zgjedhjeve vendore të 30 Qershorit 2019.
3. Shqyrtimi dhe miratimi i Projekt-Vendimit ‘Per organizimin dhe zhvillimin e zgjedhjeve të përgjithshme në parti’.
4. Shqyrtimi dhe miratimi i Projekt-Udhëzimit ‘Per Zgjedhjet e reja të përgjithshme në parti’.
5. Shqyrtimi dhe miratimi i Projekt-Udhëzimit ‘Për kriteret përzgjedhëse për delegatet e kongresit, kryetaret e partisë të bashkive, kryetarët e KS të Nj.A dhe kryetaret e OS.
6. Të ndryshme.
