Ish-kryeministri i Shqipërisë gjatë periudhës së luftës së Kosovës, Pandeli Majko, e ka cilësuar dorëheqjen e sotme të kryeministrit kosovar Ramush Haradinaj, si dorëheqjen e një burri shteti.
‘Ramush Haradinaj ka dhënë dorëheqjen nga posti i kryeministrit si një burrë shteti. Ai kreu një akt që i bën nder Kosovës shtet që drejtohet nga shtetarë të cilët bëjnë dallimin e fatit personal me atë të sigurisë kombëtare.
Veprat e një njeriu vlejnë më shumë se dobësitë e tij.
Sot jam me Ramushin! Të falenderoj komandant për shembullin e luftës, dhe sot në atë të paqes.’
Kujtojmë që në Shqipërinë e Edi Ramës nuk mungojnë akuzat dhe faktet që lidhin politikanët me krimin, por deri më sot askush nuk ka dhënë dorëheqjen.