Standard.al

Këtu çdo gjë bëhet natën, hajdutëshe, Budina: Teatri i ri, preteksti për të marrë truallin

0

Edhe pse nuk kanë në dorë një dokument, Aleanca për Mbrojtjen e Teatrit Kombëtar akuzon Ministrinë  e Kulturës se ka urdhëruar zbrazjen e Teatrit Kombëtar.

Një fakt të tillë e konfirmuan në studion e RTV Ora edhe Taulanda Jupi dhe Robert Budina.

Jaupi: Miqtë tanë që punojnë në Teatër dhe ata që urdhërohen të largojnë të gjitha pajisjet e Teatrit na kanë thënë që kanë marrë një urdhër të tillë. Sot na kanë dërguar fotot si po paketoheshin materiale të rekuzitës apo elementë të tjerë që gjenden në teatër.

Budina: Nuk jemi në dijeni për një urdhër, por unë u gjenda atje në momentin kur një makinë private pa logon e Teatrit Kombëtar po ngarkonte disa materiale. Hyra brenda në teatër dhe pamë që të gjItha gjërat ishin të paketuara. Jam rritur në atë Teatër. Këtu çdo gjë bëhet natën, hajdutëshe.Kjo është e turpshme.

Jaupi nuk parashikon prishje të godinës gjatë verës, por thotë se po tentohet ti hiqet integriteti ndërtesës.

Jaupi: Nuk do po përpiqen ta prishin në muajin gusht, por po përpiqen ti heqin integritetin vetë ndërtesës, duke larguar konceptin e teatrit.

Regjisori, Edmond Budina, shkon më tej kur thotë se nën pretekstin e ndërtimit të një teatri të ri qëllimi i vetëm është rrëmbimi i truallit për ndërtimin e kullave.

Budina: Nuk bëhet asnjë shfaqje. Aty është trualli që ata duan të marrin, duan të pastrojnë paratë e pista,  duan të ndërtojnë ato kullat me pretekstin se duan të ndërtojnë Teatrin. Ata duan të shkatërrojnë Teatrin Kombëtar. Kanë bërë një veprim të paligjshëm, e kanë spostuar Teatrin Kombëtar te Turbina dhe u kanë bërë njerëzve kontrata të përkohshme.Në bazë të cilit ligj i kanë bërë kontratat për aktorët dhe punonjësit e Teatrit? I pashë dhe sot, njerëzit ishin terrorizuar.Ne duam këtë teatër dhe një teatër të ri.

Leave A Reply

Your email address will not be published.

This site uses Akismet to reduce spam. Learn how your comment data is processed.