Standard.al

Përmbytje të mëdha, rreth 800 mijë persona u evakuuan…

0

Thuajse 800 mijë persona në tre qytete japoneze iu është dhënë urdhër për evakuuim të mënjëhershëm për shkak të shirave të dendur. Një grua e moshuar ka humbur jetën në qytetin Kagoshima, pasi shtëpia e saj u përfshi nga rrëshqitja e dheut.

Kryeministri i Japonisë, Shinzo Abe, është shprehur se tre qytetet në fjalë duhet të ndërmarrin hapa për të mbrojtur jetën e tyre. Ai shtoi se janë vënë në dispozicion 14 mijë punonjës të forcave mbrojtëse të Japonisë. Sakaq, meteorologët janë shprehur se shirat do të vijojnë edhe javën e ardhshme. Japonia përfshihet zakonisht nga shira të dendur nga fillimi i qershorit deri në fund të korrikut. Korrikun e kaluar 200 persona humbën jetën në perëndim të Japonisë, teksa vendi përjetoi përmbytjet më të mëdha ndër dekada, që prej viit 1982.

Rreth 2 milion persona u evakuuan dhe mbi 70 mijë punonjës të emergjencës u vunë në dispozicion pas reshjeve të dendura të shiut, të cilat shkaktuan përmbytje dhe rrëshqitje dheu në rajon.

Leave A Reply

Your email address will not be published.

This site uses Akismet to reduce spam. Learn how your comment data is processed.