Caka: Shqipëria, ky vend i paradokseve të mëdha!

0
113

Ish-deputetja e LSI, Silva Caka, ka reaguar për ligjin që Partia Socialiste dhe kreu i komisionit të Ligjeve, Ulsi Manja do të votojnë në Kuvend për të ndaluar daljen e qytetarëve për 10 vjet në SHBA dhe BE, nëse prekin zgjedhjet.

Në një postim në Facebook, Caka shkruan se njeriun që u kap duke folur për vjedhjen e zgjedhjeve, ka marrë përsipër të ndëshkojë shqiptarët që duan zgjedhje normale.

Postimi i plotë i Silva Cakës:

Shqipëria, ky vend I paradokseve të mëdha!

Ulsi Manja, në cilësinë e Kryetarit të Komisionit të Ligjeve, miraton ligje të paligjshme për ata që “prekin” zgjedhjet, duke I sanksionuar me 10 vite heqje të drejte për të dalë jashtë Shqipërisë, ndërsa vetë është I zhytur kokë e këmbë në vjedhje votash dhe vazhdon të jetë në krye të Komisionit të Ligjeve!!!

Ulsiu, që ka punësuar gjithë fisin në pozicione kyçe të administratës publike, ndërhyn e del garant për shpërblimin e shefave të policisë, që mbushnin makinat me para e i shpërndanin në këmbim të kopsitjes së rezultatit të zgjedhjeve lokale në Dibër.

Çfarë morali ka Ulsiu që të qëndrojë ende në atë detyrë? Apo edhe Ulsiu është pjesë e të graduarve e të të shpërblyerve të Edi Ramës, për vjedhjen masive të votave në Dibër?

E jo vetëm kaq: kohët e fundit ka përvetësuar edhe flamurin e reformuesit të drejtësisë, a thua se shqiptarët nuk e kanë kuptuar akoma që Prokuroria shqiptare është në këtë gjendje, falë ndikimit të drejtpërdrejtë të Ulsiut dhe manovrave antikushtetuese e antiligjore që ndoqi, për të çuar në krye të këtij institucioni të besuarën e tij!?

Dr. Ulsiu shpiku rrotën kur tha se “shumë mami e nxjerrin fëmijën çyryk” e paska patur të drejtë: shumë si Ulsiu e nxorrën Dibrën çyryk, deformuan proceset zgjedhore dhe shkatërruan institucionin e Prokurorisë!

Nëse kjo e fundit nuk do të kishte ndodhur, Ulsiu sot do të ishte në burg e jo duke drejtuar ende Komisionin e Ligjeve…

Web Agency, Digital Agency, Web Development Agency

LEAVE A REPLY

Please enter your comment!
Please enter your name here