Standard.al

U përdhunua fëmijë, 17-vjeçarja i jep fund jetës

0

Një 17-vjeçare në Holandë, e cila ishte përdhunuar tre vjet më parë nuk mundi më ta vazhdonte jetën e saj. Noa Pothoven kishte thënë se nuk dëshironte më të vazhdonte jetën e saj pas ngjarjeve që i kishin ndodhur. 17-vjeçarja vdiq më 26 maj në një spital pas një beteje të gjatë ligjore për të vendosur nëse duhej të bënte eutanazinë.

Adoleshentja holandeze nga Arnhemi mendoi se jeta e saj ishte bërë e padurueshme dhe nuk mund të vazhdonte më. Eutanazia, apo ndryshe vdekja e ëmbël sipas greqishtes, është vullneti i pacientit në një stad terminal të jetës, apo familjarëve të tij për t’i dhënë fund vuajtjeve përgjithmonë përmes një ndihme mjekësore. Pra, përshpejtimi i vdekjes.

  • foto galeri
  • foto galeri
  • foto galeri
  • foto galeri
  • foto galeri
  • foto galeri

Në Holandë eutanazia është e lejueshme që prej moshës 12-vjecare por gjithmonë nëse një mjek ka vërtetuar se vuajtja e pacientit është e padurueshëm dhe pa rrugëdalje. Në vitin 2017, rreth 6 585 persona kërkuan dhe morën eutanazinë në Holandë, rreth 4.4% e totalit të vdekjeve në vend, sipas një komiteti që monitoron këtë fenomen shkruan Tg.com.

Noa shkroi një autobiografi të quajtur ‘Winning or Learning’ rreth betejave të saj me shëndetin mendor pasi raportohet se u ngacmua seksualisht në moshë 11-vjecare dhe u përdhunua në moshën 14-vjecare. Si pasojë ajo vuante nga një çrregullim stresi post-traumatik, depresioni dhe anoreksia.

Noa tha se donte që libri i saj të ndihmonte të rinjtë që luftojnë me jetën, duke thënë se Holanda nuk ka institucione apo klinika të specializuara ku adoleshentët mund të shkojnë për ndihmë psikologjike ose fizike. Në një postim në mediat sociale, një ditë para vdekjes së saj, Noa bëri publike vendimin për ti dhënë fund jetës.

“E kam menduar për një kohë të gjatë nëse duhet ose jo ta ndaja me ju këtë, por vendosa ta bëj gjithsesi,”-shkroi ajo. Ndërsa shtoi: “Ndoshta kjo do jetë surprizë për disa, duke pasur parasysh postimet e mia në lidhje me klinikat e shëndetit mendor, por plani im është menduar prej shumë kohësh dhe nuk është marrë në mënyrë impulsive. Brenda një maksimumi prej 10 ditësh do të vdes. Pas shumë vitesh ballafaqimi dhe lufte, jam e lodhur. Nuk ha dhe nuk pi prej kohësh dhe pas shumë diskutimesh dhe vlerësimesh vendosa të shkoj sepse vuajtja ime është e padurueshme.” Noa theksoi se nuk ndihej më e gjallë: “Unë marr frymë por nuk jetoj.”

Më pas u kërkoi ndjekësve të saj në Instagram që të mos i kërkonin ta bindnin sepse ky ishte vendimi i saj më i mirë dhe përfundimtar.

Leave A Reply

Your email address will not be published.

This site uses Akismet to reduce spam. Learn how your comment data is processed.