Ministri i Brendshem, Sandër Lleshaj përmes firmës së Drejtorit të Përgjithshëm i Policicë së Shtetit në kundërshtim me Ligjin për Policinë e Shtetit dhe detyrat e tij të përcaktuara në këtë ligj, jep urdhra politikë.
Në datën 21 maj 2019 ka nxjerr një shkresë mbi vetëdeklarimin e titullarëve të subjektit të Shërbimit Privat të Sigurisë Fizike, ku në pikën 2 të shkresës i ndalon drejtuesit teknik dhe punonjësit e shërbimit të SHPSF të marrin pjesë në protestat që ndodhin në vend.
Ky urdhër është në kundërshtim të hapur me ligjin për policinë e shtetit, ligjet dhe kushtetutën e vendit. Cdo shtetas shqiptar jashtë orarit zyrtar dhe në ditë pushimi gëzon lirinë dhe të drejtën e garantuar në Kushtetutë për të ushtruar lirinë e shprehjes, mendimit dhe të drejtën themelore të të drejtave të njeriut për të protestuar.