Komandanti i bazës së Helikoperëve në Farkë, Sokol Çunaj ka sqaruar uljen e helikopetrit të Forcave të Armatosura mbi banesën e ish-presidentit Bamir Topi, ngjarje që ka ndodhur në muajin mars të vitit 2013.
I ftuar në studion e Fax News Çunaj është shprehur se do ta hedhë në gjyq Topin për shpifje pasi historia e vërtetë nuk është siç është shkruar në librin e ish-presidentit “Nocturn: Kur arsyeja errësohet nga pushteti”, që është botuar së fundmi.
Sipas Bamir Topit, kjo ngjarje është zbardhur 5 vite më vonë dhe në librin e tij ish-presidenti shkruan se nga kush janë marrë urdhërat dhe si ka ndodhur ngjarja, thyerja e rregulloreve ushtarake duke futur civilë në helikopter, mes të cilëve një biznesmen dhe një këngëtare e njohur.
Topi shkruan në fragmentet e librit të tij se sekretari i asaj kohe në Ministrinë e Mbrojtjes, Edvin Kulluri, pa urdhër dërgoi tek shtëpia e Topit, një helikopter të Gardës, ku në bord ishte një këngëtare.
Por Çuni e mohon këtë gjë. Ai shpjegon se zanafilla e kësaj ngjarjeje ka nisur që në fluturimin e datës 10 mars të vitit 2013, kursë këngëtarja për të cilën bëhet fjalë është Zajmina Vasjari dhe urdhëri për fluturimin e saj, e cila do të realizonte një klip ka ardhur në datën 26 mars.
“Jam shumë i revoltuar, së bashku me familjarë dhe miqtë e mi të cilët kanë parë shkrimet nëpër gazeta. Këto janë të gjitha shpifje monstruoze dhe unë do ta hedh në gjyq ish-presidentin Topi për shpifje.
Unë nuk i kam bërë keq askujt, pavarësisht gjithçkaje që më kanë bërë. Nuk kam hapur asnjë lloj gjyqi.
Forca ajrore ka hallka që nuk shkelen kurrë. Për çfarë dëshmitari më flisni? Unë jam gati të përballem me politikanin që i paskam shërbyer, sipas ish-presidentit.
Gjithçka ka nisur me fluturimin e datës 10 mars 2013. U ndryshua vendi i uljes në momentin e fundit, për shkak të motit të keq dhe koordinatat e fundit i dhamë më datë 10.
Pas nisjes nga Vau i Dejës ndaluam për 12 minuta. Sipas gazetave e kam marrë helikopterin pa leje, ndërsa tani shkruajnë se jam ulur me helicopter. Ky fluturim është bërë me urdhër të shefit të shtabit që ka qenë në atë kohë.
Ndërsa urdhëri për fluturimin e këngëtares ka arhdur mëdatë 26. Kjo këngëtarja bëri një klip që e shëmtoi figurën e Forcave të Armatosura, por ishte me urdhër.
Forca ajrore ka hallka që nuk shkelen kurrë. Unë kam fluturuar për 20 vite në avionet supersonike dhe për të fluturuar ka disa hallka që duhet të ndiqen
Kam ndjekur urdhëra nga lart, s’kam bërë asgjë tjetër.
Në misionin e fluturimit të këngëtares unë nuk kam marrë pjesë.
Më pas mua më shkarkuan pa asnjë lloj motivacioni. Më detyruan që të ndërmarr misione të jashtëligjshme.
Unëjam gati të përballem me çdokënd, pasi këtë gjë nuk dua ta trajtoj vetëm si konflikt personal. Kjo nuk është Shqipëria që duhet të jetë për shqiptarët. Njerëzit e veshur me pushtet janë ekstremistë,”- tha Çunaj ndër të tjera.
Ndërkohë një ditë më parë Kulluri në një status në rrjetet sociale shkruante se helikopteri është ulur pas një kërkese të këngëtares Zajmina Vasjari, e cila donte të xhironte një klip.
