Koordinatori i partisë së re, “Bindja Demokratike”, Astrit Patozi, në një intervistë për emisionin “Opinion”, ka shprehur superlativa për deputeten Rudina Hajdari. Ai tha se Rudina është një talent politik dhe është e mirëpritur në projektin e tij, edhe pse ka vendosur të mos jetë pjesë e tij.
“Me zonjën Hajdari kam folur për çështje të tjera dhe për këtë, kam respekt maksimal. Është një lloj talenti. Talent politik do të thotë njeri që merr qëndrime dhe vendime të duhura. Për mua është e tillë. Ne kemi diskutuar për këtë projekt, ajo ishte shumë e prirur dhe e ka thënë në parlament që opozita ta marrë pjesë në zgjedhje. Me PD ajo s’ka lidhje”.