“Parlamenti i krimit”, Vasili i përgjigjet ambasadorit të BE: Do ketë patur pije alkoolike…

0
97

Ish-kreu i Grupit Parlamentar ka komentuar deklaratën e deputetit, Ralf Gjoni. Vasili ka theksuar se askush nuk mund të flasë në emër të LSI-së

Deklarata e deputetit Ralf Gjoni, se së shpejti do të riformohen grupet e reja parlamentare, është komentuar në Syri.net nga nënkryetari i LSI-së, Petrit Vasili.

Sipas numrit dy të LSI-së, askush në atë parlament, që ai e quajti “parlamenti i krimit”, nuk ka të drejtë të përdorë emrin apo simbolet e Lëvizjes Socialiste për Integrim.

“Emri i LSI është atribut i asaj partie, mbi 200 mijë votues, drejtohet nga Monika Kryemadhi, ka kryesinë dhe që ka vendosur të jetë jashtë parlamentit të krimit. Kemi njoftuar prej kohësh KQZ, që cilido nga pjesëtarët e listave që ka thyer vendimin politik të LSI është i vetëpërjashtuar nga partia. Nuk e përfaqëson në asnjë formë. Kush do guxojë do të ketë një përgjigje shumë të ashpër”, u shpreh Vasili.

Ndërsa deklaratën e sotme të ambasadorit të BE në Tiranë, Luigi Soreca, i cili u shpreh se, opozita të marrë pjesë në zgjedhje teksa tha se është koha për dialog jo vetëm brenda opozitës por edhe me qeverinë në mënyrë që të ketë pjesëmarrje në zgjedhjet lokale, Vasili e ka komentuar mes notave të forta të ironisë.

“Do ketë qenë ndonjë aktivitet ku ka patur koktelje dhe pije alkoolike. Ai vjen nga Italia, një shtet që ka politikë prej mijëra vjetësh. Unë jam i bindur që z.Soreca ka bërë humor dhe në këtë rast mos e merrni seriozisht. Është një burrë me humor të mirë”, deklaroi Vasili.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here