Standard.al

Operacioni “Piratët”/ Grabitën 12 shtëpi, 2 në pranga, bashkëpunëtorët në kërkim

0

“Finalizohet operacioni  policor i koduar “Piratët” Operacioni nga Seksioni i Krimeve në bashkëpunim me Patrullën e Përgjithshme.

Policia e Vlorës ka shkatërruar një grup të mirëfilltë grabitësish përgjegjës për vjedhjen dhe bastisjen e 12 banesave  në qytetin bregdetar. Siç bën me dije policia në pranga kanë rënë dy persona dhe janë shpallur në kërkim dy të tjerë.  Të arrestuar  nga operacioni i koduar “Piratët” mësohet të jenë shtetasit M.H 29 vjeç, E.K 25 vjeç dhe shpallur në kërkim dy bashkëpunëtorët, shtetasit M.H dhe E.K, të cilët njëkohësisht me banesat nuk kanë kursyer as supermarketet.

Arrestohen në flagrancë dy shtetas si dhe shpallen në kërkim dy të tjerë, të dyshuar  edhe për kryerjen e një sërë  vjedhjeve të banesave.   Zbardhen 12 vjedhje të ndodhura në periudha të ndryshme në qytetin e Vlorës.  Specialistët për Hetimin e Krimit në Komisariatin e Policisë Vlorë, në vijim të punës për parandalimin e vjedhjeve si dhe për zbardhjen e atyre të  ndodhura më parë, bazuar gjithashtu edhe në informacione të siguruara në rrugë operative se një grup të rinjsh vidhnin banesa nëpër qytet, është  organizuar dhe zhvilluar operacioni i koduar “Piratët”.Si rezultat i operacionit u bë i mundur arrestimi në flagrancë i shtetasve M.H., 29 vjeç, E.K., 25 vjeç, me banim në Vlorë, si dhe shpallja në kërkim e A.M dhe L.H Shtetasit M.H dhe E.K,  janë kapur në flagrancë në lagjen “28 Nëntori” duke vjedhur në  një banesë.

Ndërsa shtetasit A.M dhe L.H, pjesëtarë të grupit, në të njëjtën kohë kanë hyrë për të  vjedhur në një supermarket, ku dhe kanë mundur të largohen duke marrë vetëm steka me cigare. Në vijim të operacionit, nga  veprimet hetimore intensive, janë zbardhur edhe 12 ngjarje të tjera (vjedhje) të ndodhura në kohë të ndryshme, që dyshohet se janë kryer nga këta shtetas në bashkëpunim me njëri-tjetrin, të listuara si më poshtë:

Më datë 16.04.2019, është vjedhur banesa e shtetasit S.M, në lagjen “29 Nëntori”.

Më datë 07.04.2019, është vjedhur banesa e shtetasit I.M, në lagjen “Isa Boletini”.

Më datë 30.03.2019, është vjedhur banesa e shtetasit L.Sh, në lagjen “Lef Sallata”.

Më datë 30.03.2019, është vjedhur banesa e shtetasit P.K, në lagjen “Isa Boletini”.

Më datë 15.03.2019, është vjedhur banesa e shtetasit A.H, në lagjen “Pavarësia”.

Më datë 11.03.2019, është vjedhur banesa e shtetasit G.K, në lagjen “Hajro Çakërri”.

Më datë 07.03.2019, është vjedhur banesa e shtetases L.Sh, në lagjen “24 Maji”.

Më datë 05.03.2019, është vjedhur banesa e shtetasit B.T, në lagjen “1 Maji”.

Më datë 25.02.2019, është vjedhur banesa e shtetasit M.K, në lagjen “Hajro Çakërri”.

Më datë 15.02.2019, është vjedhur banesa e shtetasit K.B, në lagjen “15 Tetori”.

Më datë 14.02.2019, është vjedhur banesa e shtetasit F.F, në lagjen “24 Maji”.

Më datë 14.02.2019, është vjedhur banesa e shtetasit M.P, në lagjen “28 Nëntori”.

Materialet iu referuan Prokurorisë në ngarkim të tyre për veprën penal”-njofton policia.

Leave A Reply

Your email address will not be published.

This site uses Akismet to reduce spam. Learn how your comment data is processed.