Një operacion i madh është në proces për të shuar flakët, të cilat shpërthyen të hënën pasdite .
Një zjarr i madh ka pushtuar katedralen e famshme “Notre Dame” në Paris. Shkaku nuk është ende i qartë, por zyrtarët francezë, thonë se zjarri mund të jetë shkaktuar si pasojë e restaurimeve që po kryhen në katedrale.
Imazhet në rrjetet sociale, tregojnë shenja të tymit në ndërtesën gotike 850 vjeçare.
Vitin e kaluar, Kisha Katolike në Francë bëri një thirrje urgjente për fonde për të shpëtuar katedralen, e cila po degradonte.
Kryebashkiakja e Parisit, Anne Hidalgo, e përshkroi atë si një “zjarr të tmerrshëm” dhe i nxiti njerëzit në vendngjarje që të respektojnë kufijtë e krijuar nga ekipet e zjarrëfikëseve.