Sipas PD, janë mbi 15 protestues të verifikuar aktualisht në protestë, të plagosur ose me probleme të rënda me frymëmarrjen. Nga organizatorët e protestës së PD raportohen edhe gazetarë të lënduar.
Partia Demokratike ka shpërndarë foto të fotografit Arben Dajçi, i gjakosur në kokë dhe pretendon se ai është dhunuar nga policia në protestë.
Ndërkohë një gazetare ka pësuar gjendje të fikëti, si pasojë e përdorimit të gazit lotsjellës nga policia. Gazetarja ka rënë në tokë në momentin kur kryedemokrati Lulzim Basha ishte duke dhënë një intervistë për mediat.