Andi Bushati tha se protesta e opozitës duhet të bëhet për të ndryshuar regjimin në fuqi.
Analisti Andi Bushati i ftuar në emisionin “Të paekspozuarit” në “News 24” u shpreh se Edi Rama dhe Rilindja kanë kapur sistemin në të gjitha hallkat e tij.
Bushati nënvizoi se edhe ata që ishin optimistë për reformën në drejtësi, tashmë kanë nisur të zbehin optimizmin, pasi kanë parë se Rama dhe Rilindja kanë kapur gjithçka.
Ai nënvizoi se protesta e opozitës nuk do të kishte kuptim pa ndryshime thelbësore dhe nuk mund të konceptohet se protestuesit dalin në sheshe vetëm që të ikë Edi Rama dhe të vijë Lulzim Basha në pushtet.
“Protesta e opozitës duhet të bëhet për të ndryshuar regjimin në fuqi. Nuk ka asnjë kuptim që të dalin në shesh njerëzit dhe të kërkojnë ikjen e Ramës dhe ardhjen e Bashës. Protestuesit duhet të kërkojnë ndryshojnë të të gjithë sistemit, të trondisin sistemin aktual”, tha Bushati.