Avokati Goxhaj: 10 pyetjet që intelektualë, artistë dhe aktivistë nuk ja bënë Lulit!?

0
116

Nga Avokati Altin Goxhaj

10 PYETJET QË INTELEKTUALË, ARTISTË & AKTIVISTË NUK JA BËNË LULIT (që ua nguli & shkuli 6 vjet rrjesht dhe mgjth nuk ngopen me të)!
Presupozohet që intelektualët, artistët dhe aktivistët civil kur takojnë kryetarin e Opozitës nuk sillet si militantë dhe shfrytëzojnë rastin për qartësim, sqarim, kritikë dhe jo thjesht propozime mbështetëse! Por sot ata nuk i bënë këto 10 pyetje!

PYETJA E PARË: Ku ndryshon ky takim nga ato të Çadrës në 2017?

PYETJA E DYTË: Ku i ke ata artistët dhe intelektualët e Listës Basha që paraqite në 2017 dhe pse nuk janë këtu bashkë me ty?

PYETJA E TRETË: Pse ata që fute në lista janë më të mirë se këta në sallë? Mbi çfarë kriteresh i zgjodhe ata dhe mbi çfarë kriteresh arrite në përfundimin që këta në sallë nuk bëjnë?

PYETJA E KATËRT: Pse ditën që u votua Ligji për Teatrin për herë të dytë nuk na u bashkuat në protestë para Parlamentit por krisët e ikët në Vlorë me gjithë PD duke na lënë veëtm ne te Parlamenti?

PYETJA E PESTË: Edhe Edi në 2013 na premtoi qiellin dhe ndryshimin me themel të rregullave të lojës dhe garantoi që duke qenë artist dhe intelektual do të bënte maksimumin për artin, shkencën dhe rolin që do të luanin artistët, profesionistët dhe ekspertët në Rilindjen e Shqipërisë! Të njëjtën gjë bëre dhe ti te Çadra! Se çfarë bëri Edi në 6 vjet e pamë! Por edhe se çfarë bëre ti me Listën Basha e pamë! Pse duhet të të marrin seriozisht tani? Cila është garancia e fortë që kapërcen provat e këqia që na ke dhënë?

PYETJA E GJASHTË: Edhe në Çadër na fole për të keqen dhe mosdorëzimin tënd por pastaj i fute një Marëveshje në 17 Maj dhe Rama u bë më i fortë se kurrë! Cili është plani yt që funksionon pa na çuar në një 17 Maj të ri me Edin apo Veliajn?

PYETJA E SHTATË: A jeni i lidhur me Soros dhe nëse jo pse nuk e denonconi Qeverinë si Qeveri e Soros (fakt i denoncuar sot nga i vetmi që pati kurajo Kastriot Çipi), as punën e saj për Axhendën Soros për Rrënimin, Falimentimin dhe Shpopullimin e Shqipërisë (të denoncuar me fakte dhe dokumenta nga Levizja AntiSoros) që implementohet nga Instituti CID me paratë e Soros? Pse nuk denonconi që Soros bëri Reformën në Drejtësi (pas Marëveshjes me ju në Selinë e PD në 5 Dhjetor 2014 dhe për këtë janë paraqitur dokumenta sekrete në Wikileaks) dhe sot ka vënë njerëzit e Soros në krye të KLP dhe KLGJ? Nëse ju punoni për Soros çfarë garancie kemi që nesër ju nuk do të vazhdoni punën e lënë për gjysmë nga Edi?

PYETJA TETË: Përderisa stafi juaj pohon se Europa dhe SHBA nuk e njohin realitetin tonë ndaj duhet t’i informojmë, çfarë ka bërë PD 6 vjet rrjesht për të raportuar dhe denoncuar të vërtetën këto 6 vjet? Pse PD nuk ka lejuar mgjth propozimet e shumta që ekspertë dhe profesionistë të angazhohenin në një institut politik që duhet të ngrinte PDja për të informuar rregullisht prej 6 vjetësh ndërkombëtarët dhe opinionin e huaj për realitetin tonë që vetë pohoni që ndërkombëtarët nuk e njohin?

PYETJA NËNTË: Kur Bulevardi Dëshmorët e Kombit u përmbyt me gaz helmues në 16 Shkurt pse nuk bëtë një dosje në anglisht me raportim për ndërkombëtarët? Pse nuk e përdorët atë këtë rast ndaj ndërkombëtarëve për të argumentuar dorëzimin e mandateve? Pse ndërkombëtarët u gjetën para faktit të kryer të dorëzimit të mandateve dhe nuk u paralajmëruan paraprakisht përgjatë periudhës 16 Janar – 16 Shkurt? Pse nuk i kërkuat protestuesve të shpreheshin në 16 Shkurt kundër dorëzimit të mandateve dhe një votim i tyre simbolik dë të shërbente edhe si argument për këta tipat e Listës Basha që i pranuan ato “në emër të votuesve”?

PYETJA DHJETË: Kanë kaluar 17 ditë që nga mbytja e një pjese të Tiranës (raportohen me prova filmike dhe foto rreth 10 km2) në 26 Shkurt me gaz helmues serb dhe të dëmshëm për jetën jo vetëm të protestuesve por edhe të qytetarëve që rastësisht i kapi helmi përfshi foshnje, gra shtatzëna, fëmjë, të moshuar apo të sëmurë me probleme kardiake apo sëmundje respiratore. Çfarë keni bërë për të denoncuar ndërkombëtarisht këtë fakt të denoncuar nga ekspertët më me peshë të mjekësisë? Pse nuk keni bërë asgjë? Nëse pasnesër do të përdoret përsëri gazi helmues serb a ndjeheni përgjegjës që nuk bëtë asgjë për t’a parandaluar këtë krim kundër popullit dhe demokracisë?

Web Agency, Digital Agency, Web Development Agency

LEAVE A REPLY

Please enter your comment!
Please enter your name here