Damiani, gruja dhe Guruja….!!!

0
112

Gra të fisme, të veshura bukur, parelije, disa edhe me pushtet, por menjëherë ranë në gjunjë para një trupi të madh mashkulli! E Humbën fare, buzët i ngjeshën fillimisht në këmbët e Gurusë, duart nisën ta përkedhelin, gratë nuk po përmbaheshin më, një zjarr ua ndezi shpirtin, por nuk mund të bënin më shumë se kaq në Aeroportin Nenë Tereza, në tjetër vend më intim e kishin lënë seancën…

Mesditë, datë 8 dhjetor 2018, Guruja indian Paramahamsa Vishwandanda që prej vitesh ka themeluar sektin fetaro-shpirtëror të quajtur ‘Bhakti Marga’, mbërriti në Tiranë. Mes grave që pritën këtë “lider shpirtëror” ishte edhe Rovena Agolli, bashkëshortja e ish-ministrit Damian Gjiknuri.

Por ajo kurrë nuk kishte folur publikisht për këtë besim të ri, që bashkë me Damianin ia ngjethi shpirtin, e futën në një botë shpirtërore, larg traditës shqiptare, akoma më larg besimit të predikuar në shekuj. O Zot, këta janë e ardhmja… Dhe ajo një ditë, bashkë me Damianin gjetën pastërtinë në “llumin” e shoqërisë sonë, nisën të duan më shumë, por në formën e tyre!

“Unë po zbuloj veten, ne nuk e njohim veten, të gjithë mendojnë se e njohim. Nuk e njohim atë pjesë hyjnore tonën dhe e njohim përmes dashurisë. Në këtë mënyrë zgjohesh nga gjendja e fjetur mendojmë se duam, por nuk duam në të vërtetë. Ne jemi një miniaturë e Zotit mbartim të gjithë cilësitë që Zoti ka por në doza të vogla. Unë njoh të vërtetën që e kam zbuluar vet, nuk kam pyetur për këtë gjë, më është shfaqur kjo gjë”.
Kështu tha në emisionin “Opinion”, me një botë shpirtërore të mbushur plot energji, e gati deri në predikim, Rovena Agolli.

Atë botë të pastër shpirti, të mbushur me dashuri, mirësi e predikim ia ka falur Guruja Indian, Paramahamsa Vishwandanda. La të shtangur të gjithë të ftuarit, mes tyre edhe Pastor Akil Panon, që në mënyrën e tij nuk e ndan Biblën nga dora.

E ndoshta, bashkëshortja e Damianit mund të ketë ndonjë pendesë që nuk e shfrytëzoi momentin në takimin me “Hyjninë”, për t’i kërkuar atij që ti plotësohet një dëshirë. “O Guru, bëje burrim tim të jetë gjithnjë ministër në qeverisjen e Rilindjes. Mbroje nga të paudhët, zërja sytë dhe pritja hovin ndonjë prokurori që kërkon të rrëmojë në punën e tij, silli fat, bëj që kryeministri ta mbajë afër”…

Përse Rovena, përse nuk ja kërkove këtë. Fundja sot ne Shqiptarët do ishim më mirë, në krye të ministrisë së Energjitikës dhe Infrastrukturës do ishte Damiani, “Diamanti” i Ramës. Fiks dhjetë ditë pasi Guruja (sekti ku beson Damiani me bashkëshorten) erdhi në Shqipëri, ai u shkarkua nga ministër.

Çfarë qe kjo gjëmë, ç’farë qe ky apokalips! E kishe rastin, madje e solle vetë Gurunë në Shqipëri, si harrove t’i kërkosh që ai të lutet për bashkëshortin. Por ne ndoshta po të kërkojmë shumë, nuk ta njohim botën tënde shpirtërore, përballja me Gurunë të hipnotizon, harron të kërkosh të mira materiale e pushtet.
Edhe vetë ish-ministri nuk di këtë të zgjedhë si “udhërrëfyes” gruan apo Gurunë. Ai është i famshëm, në internet për të qarkullon një video duke vjellë monedha floriri. O Zot, Guruja të bën edhe të pasur…

Punë e madhe se në Indi dhe Amerikë po hetohet edhe si mashtrues, ndoshta edhe për përdhunim. Nëse mund të quhet i tillë, sepse gratë i bien vetë nën këmbë. Gruja dhe Guruja! Me pushtetin që kanë mund të ndikojnë që sekti ‘Bhakti Marga’ të njihet si besim zyrtar në vendin tonë. Ku ka më mirë, të pasur jo vetëm shpirtërisht, por edhe materialisht.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here