Standard.al

‘Kur Rama kapet në krim, gënjen.’ Strazimiri: Sot nuk të beson askush!

0

Strazimiri risolli në vëmendje përgjimet e publikimeve të Dosjes 339, nga Zëri Amerikës, ku u sipas tij bandat e lidhura me Ramën janë kapur duke blerë vota.

Nënkryetari i Grupit Parlamentar në Partinë Demokratike, Gent Strazimiri në një deklaratë për mediat u shpreh se sot kryeministrin Edi Rama nuk e beson askush.

Më tej Strazimiri tha se sa herë Rama është në hall, përdor të njëtën metodë, duke gënjyer në mënyrë të paturpshme dhe mohon në mënyrë kriminale të vërtetat e mëdha që rendisin Shqipërinë si vendin më të korruptuar dhe më të varfër në Europë.

Deklarata e plotë

Sa herë Edi Rama është në hall i kapur në flagrancë në krim, ai përdor të njëjtën metodë: gënjen në mënyrë të paturpshme dhe mohon në mënyrë kriminale të vërtetat e mëdha që rendisin Shqipërinë si vendin më të korruptuar dhe më të varfër në Europë.

Njësoj veproi edhe sot.

–              Mohoi se e ka grabitur pushtetin me paratë dhe influencat e krimit dhe të drogës.

–              Mohoi ekzistencën e dosjes “339”, ku vetëm nga përgjimi i një bande kriminale, rezulton se Edi Rama ka blerë vota dhe mandate deputetësh në 4 qarqe të vendit.

Edi Ramës sot nuk i beson më askush!

o             Ai mohoi para 5 vjetësh se kishte futur vetëm në parlament 19 kriminelë, vrasës, përdhunues, trafikantë droge e qëniesh njerëzore, e sat ë tjerë nëpër bashki.

o             Ai mohoi para 3 vjetësh se e ktheu Shqipërinë në Kolumbinë e Europës, me 219 mijë hektarë të mbjella më kanabis, e para 2 vjtësh se ministry I tij I brendshëm trafikonte me bandat

o             Ai mohoi sot se grabiti zgjedhjet me ndihmën e krimit të  e organizuar.

Tani është koha e së vërtetës!

Dosja 339 nuk është e Partisë Demokratike.

Bandat që blejnë vota nuk janë të Partisë Demokratike. Vangjush Dako, Arben Ndoka, Elvis Roshi, Damian Gjiknuri nuk janë të Partisë Demokratike, por janë njerëzit kyç që komunikojnë herë me bandat e krimit të organizuar, herë me banditët në krye të Policisë për të blerë votat për llogari të Edi Ramës.

Sa herë që Edi Rama, do të tentojë të mashtrojë shqiptarët për pushtetin e blerë me krimin, Partia Demokratike, do t’u tregojë shqiptarëve të vërtetën jo sipas nesh, por sipas “Zërit të Amerikës”.

As kjo media nuk është e Partisë Demokratike.

Ajo financohet nga Departamenti Amerikan i Shtetit, ka qenë për 46 vjet i vetmi zë i së vërtetës për shqiptarët dhe mbetet, ende sot, zëri i së vërtetës së pamohueshme, të painfluencueshme, asaj që nuk është në shitje.

Të enjten, ftoj shqiptarët t’I bashkohen protestës propullore përpara Parlamentit

Leave A Reply

Your email address will not be published.

This site uses Akismet to reduce spam. Learn how your comment data is processed.