Plas protesta, banorët bllokojnë rrugën, ja çfarë kërkojnë…

Infrastruktura e rënduar e rrugës që lidh qytetin e Durrësit me Shijakun ka nxjerrë sërish në protestë banoret e njësisë Administrative Xhafzotaj dhe Rrashbull, të cilët jetojnë dhe ushtrojnë aktivitetin e tyre në këtë zonë.

Në shenjë revolte protestuesit bllokuan për disa minuta rrugën, duke penguar lëvizjen e automjeve. Banorët kërkuan të ndërhyhet për rehabilitimin e  kesaj rruge, e cila është kthyer në makthin e drejtuesve të automjeteve.

Ky segment, thonë banorët, eshtë thuajse i pakalueshëm për shkak të gropave e të shumta të hapur në të gjithe gjatësinë e tij. Nese nuk do të ketë një reagim të autoriteteve banorët thonë se protestat e tyre do të vijojnë.

Rruga Shijak-Durrës, e gjatë 8 kilometra pershkohet në te dyja korsitë e saj nga banesa dhe biznese, duke u konsideruar ndër segmentet me përqëndrimin më të madh të zhvillimit ekonomik.

Por pavarësisht kësaj ky segment është lënë në mëshirë të fatit, duke u anashkaluar nga autoritetet në investime.

Që prej vitit të kaluar banorët kanë protestuar  disa here per këtë segment, por pa mundur të gjejnë zgjidhje.