‘Festivalet jane bërë kohët e fundit pazar. Kam vendosur të mos marr më pjesë.’
Këngëtari i njohur Selami Kolonja është shprehur pasditen e sotme se ka vendosur që përfundimisht të mos marrë më pjesë në festivalet muzikore që organizohen në vend.
Kolonja ka thënë se vitet e fundit festivalet kanë bërë revolucion për mirë, por gjithçka prishet në fund kur duhet të vendoset për fituesin, pasi aty ato kthehen në pazar.
‘ Vitet e fundit ne kemi një revolucion në festivalet tona, i ngjajnë SanRemos, por prishet në fund. Kur duam të vendosim diçka, fillojnë pazaret’, ka thënë këngëtari, i ftuar në emisionin ‘Ftesë në 5’ me Bieta Sulon.
