Parlamenti Europian njeh Guaidon President të Venezuelës

0
108

Me 429 vota pro, 104 kundër dhe 88 abstenime, europarlamentarët e mbledhur në Bruksel apeluan qeveritë e 28 vendeve anëtare që të mbajnë të njëjtin qëndrim deri sa Venezuela të zhvillojë zgjedhje të reja dhe të lira.

Por sipas ambasadores së Venezuelës në BE, ky vendim rrezikon të nxitë një luftë civile në vend, ndaj edhe kërkoi që shtetet anëtare të mos marrin përgjegjësi që nuk u takojnë.

Ky ishte vendimi i parë unanim në mbështetje të Guaidos që kur ai u vetëshpall president i përkohshëm të mërkurën e kaluar, pasi akuzoi kreun e zgjedhur të shtetit, Nikola Maduro, për manipulim të procesit zgjedhor dhe mbajtje nën zgjedhë të popullatës.

Shtetet e Bashkuara dhe disa shtete latino-amerikane janë shprehur po ashtu në favor të kryeparlamentarit, ndërsa Rusia, Kina dhe Turqia qëndrojnë në krah të Maduros.

Për shkak të krizës ekonomike dhe politike që ka pushtuar vendin, në qytetet kryesore venezueliane vijojnë protestat paqësore antiqeveritare.

Në javët e fundit nuk kanë munguar incidentet mes forcave të rendit dhe protestuesve, madje edhe gazetarëve të huaj që po mbulojnë zhvillimet në vend.

Për ish-kryebashkiakun e Karakasit, 90 për qind e popullit është kundër Maduros, dhe largimi i tij nga pushteti është çështje kohe nëse opozita venezueliane siguron përkrahjen e nevojshme ndërkombëtare.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here