Kryetari i PD-së Lulzim Basha ka vendosur që sekretariatet e partisë të kryesohen nga figura më pak të njohura të partisë. Kështu bruimet e gazetës “standard” mësojnë se kryedemokrati Basha ka zhvilluar një takim me sekretarët aktualë të partisë, përfshirë edhe Sekretarin e Përgjithshëm e PD-së, ku i ka komunikuar se ka vendosur që në këto poste mos të jenë më figura të rangjeve të larta të partisë. Një logjikë pak e kuptueshme kjo që pritet të ndjekë Basha, duke hedhur hije dyshimi mbi drejtuesit e rinj te sekretariateve.
Por krahas sekretariateve të partisë, kjo vendimmarje e Bashës duket se do prekë edhe Sekretarin e Përgjithshëm, pasi mësohet se edhe Arben Ristani nuk do jetë më në këtë post. Sipas Bashës edhe për Sekretarin e përgjithshëm do jetë një garë mes disa figurave më pak të njohura se zyrtarët kryesorë të PD.
Kështu nuk do garojnë më në zgjedhjet që janë në prag, Arben Ristani ( aktualisht sekretari i përgjithshëm) , Enno Bozdo ( aktualisht sekretar organizativ) , Fatbardh Kadilli ( aktualisht sekretar i burimeve njerëzore), Ervin Salianji ( aktualisht sekretar për aksionin qytetar), Grida Duma ( aktualisht sekretare e Marrëdhënieve me Publikun në PD).
STANDARD.AL
Discussion about this post