Presidenti Ilir Meta ka reaguar pas dorëzimit të Klemend Balilit, i konsideruar nga mediat greke si ‘Eskobari i Ballkanit’.
Gjatë një prononcimi për mediat nga Lezha, Ilir Meta ka përshëndetur ndalimin e Balilit dhe ka falënderuar agjencitë ligjzbatuse dhe partenerët ndërkombetarë për ketë rezultat.
“Përshendes ndalimin e Klement Balilit si një person me probleme mjaft serioze me ligjin. Falenderoj jo vetëm agjencitë ligjzbatuese, por edhe partnerët tanë ndërkombëtarë për presionin e gjithanshëm për të arritur këtë rezultat”- tha Meta.
Zoti Meta, a do ta dekretoni kryeministrin si ministër të Jashtëm?
Presidenti Meta: Këtu jemi për të promovuar edhe një herë solidaritetin për dhurimin e gjakut. Për këtë çështje besoj se e kam dhënë një përgjigje dje. Dhe do të jap një përgjigje të qartë, të përgjegjshme, shteruese, me qetësi, por pa dashuri, brenda afateve kushtetuese.
Si e komentoni dorëzimin e Klement Balilit?
Presidenti Meta: E përshëndes ndalimin e Klement Balilit, një person me mjaft probleme me ligjin. Dhe me këtë rast dua të falënderoj jo vetëm agjencitë ligjzbatuese, por edhe partnerët tanë ndërkombëtarë, për presionin e gjithanshëm për të arritur këtë rezultat sot.