Ndarja nga jeta e personave të dashur është gjithnjë një dhimbje e madhe për të gjithë, e sidomos kur ajo humbje është babai.
Moderatorja shqiptare, Julka Gramo ka postuar në Instagram një mesazh të ndjerë për humbjen e të atit, një ngjarje e rëndë që nuk e priste aspak teksa tregon se ditën e ka nisur me të qeshura.
Julka shkruan se vetëm pas pak minutash ka marrë vesh lajmin e hidhur.
Moderatorja shkruan:
“Sa ironike…Sot e nisa ditën me të qeshura të mëdha me një video të Ellen DeGeneres dhe ju urova një ditë plot buzëqeshje, pa e ditur se disa minuta më vonë dita ime do të merrte një kthesë 360 gradë… Sot humba babain tim… Sigurisht nuk qeshja dot si Ellen, por buzëqeshja kur shihja se sa kujtime të bukura dhe sa shumë respekt e dashuri kishin të gjithë njerëzit për të…Jam krenare për njeriun e fortë, të dashur, punëtor, të palodhur e të sakrificave që ishte, la shtëpinë plot me dashuri…ndihem me fat për të gjithë familjen dhe miqtë që na u gjendën pranë në këtë ditë të vështirë… ‘Të jetosh në zemrat që ne lëmë pas nuk do të thotë të vdesësh.”
