Studiuesit konfirmojnë: Pirja e alkoolit ndihmon të flisni më mirë gjuhët e huaja

0
97

Sipas një besimi popullor, alkooli përmirëson aftësinë e të folurit të gjuhëve të huaja.

Një studim i ri, publikuar në revistën “Psycopharmalogy”, ka ekzaminuar këtë koncept, duke saktësuar shkencërisht.

Hulumtuesit e Universitetit të Liverpoolit kanë testuar 50 pjesëmarrës gjermanë të cilët kishin konsumuar sasi të vogël alkooli. Pjesëmarrësit ishin studentë të ‘Maastricht University’, të cilët së fundmi kishin ndjekur një kurs për të mësuar gjuhën holandeze.

Njërit grup iu kërkua të pinin nga një krikëll birrë dhe një grupi tjetër iu kërkua të pinin nga një pije joalkoolike.

Të dy grupet më pas zhvilluan bisedë në holandisht me dy ekzaminues holandisht folës.

Në fund të eksperimentit, dy ekzaminues të tjerë, të cilët nuk e dinin se kush kishte pirë dhe kush jo, ata dëgjuan regjistrimet e bisedave dhe kanë përzgjedhur më të mirët, të cilët rezultuan të ishin ata që kishin konsumuar alkool.

“Studimi ynë tregon se konsumimi i alkoolit mund të ketë përfitime në prononcimin e një gjuhe të huaj, nëse personat që kanë konsumuar sasinë e alkoolit, e njohin gjuhën e huaj të cilën po flasin”, deklaroi doktoresha Inge Kersebergen, një nga autorët e studimit.

Shkencëtarët kanë theksuar se ka nevojë për kërkime të tjera për të thelluar studimin dhe se, për eksperimentin është përdorur një dozë e vogël alkooli, pasi nivele më të larta të tij mund të ndryshojnë funksionet njohëse dhe motorike, siç është kujtesa, vëmendja dhe reagimi në mënyrën e duhur./oranews /KultPlus.com

Web Agency, Digital Agency, Web Development Agency

LEAVE A REPLY

Please enter your comment!
Please enter your name here