Standard.al

“Rrjetet sociale janë të dëmshme, aty je personi i cili nuk je”

0

Si sot, para 2 vitesh, ndërroi jetë një prej filozofëve e intelektualëve më të njohur, Zygmunt Bauman.

Bauman, një sociolog dhe studiues i realitetit, e mbi të gjitha edhe i Holokaustit, në një intervistë të tij të vitit 2016-të pati thënë se rrjetet sociale janë një kurth për njerëzit.

“Pyetja mbi identitetin e njeriut është transformuar ndër vite, nuk është identiteti më diçka e dhënë, por diçka që ti e krijon. Megjithatë, rrjetet sociale e krijojnë një zëvendësim. Ju jeni ndryshe në rrjete sociale, dhe jeni ndryshe në jetën e përditshme. Në fakt, ti e ke jetën dhe komunitetin tënd, por rrjetet sociale nuk i ke ti, ato të kanë ty në dorë, secila prej tyre” pati thënë mes tjerash Bauman, një filozof polak i njohur pë rata që lexojnë sociologji e filozofi.

“Mund të shtosh shoqërinë, dhe mund të fshish këdo që dëshiron, pra ke kontroll mbi njerëzit me të cilët kontakton. Njerëzit ndihen më mirë për shkak se po mendojnë se po zvogëlohet vetmia – më i madhi kërcënim i kohëve moderne të individualizimit. Nuk është debat i rëndësishëm ai që bëhet me njerëzit që mendojnë sikur ti. Rrjetet sociale nuk mësojnë dialogim sepse shumë lehtë largohesh prej mospajtimeve. Shumë njerëz përdorin rrjetet sociale për të gjetur zonën e rahatisë, aty ku i vetmi zë dëgjohet është zëri i tyre dhe e vetmja fytyrë që shohin në fakt është fytyra juaj. Rrjetet sociale janë të përdorshme, kanë përdorim, por janë vetëm një kurth i kohës” pati thënë Bauman. / KultPlus.com

Leave A Reply

Your email address will not be published.

This site uses Akismet to reduce spam. Learn how your comment data is processed.