Trupi i pajetë i 29-vjeçares Anxhelina Petro, e cila u vra në mënyrë mizore nga i ati ka mbërrituar gjatë paradites, së sotme në qytetin e Beratit për t’u përcjellë drejt banesës së fundit.
Nëna e saj e ka parë vajzën pas 12 vitesh, por të pajetë. Trupi i 29-vjeçares u transportua pa pagesë nga zyra e Korfuzit në kufirin shqiptaro-grek. Ajo do të varroset në Berat nga familja e nënës së saj.
Kujtojmë këtu se pas një debati në datën 2 janar, Aleko Petro me të bijën për shkak të lidhjes që ajo kishte prej kohësh me një djalë afgan e vrau atë duke e goditur pa mëshirë me shufër hekuri 7 herë në kokë. Më pas ai e varrosi vajzën e tij në oborrin e shtëpisë.
