“Në një kafaz të pandehurish”. Taktika e Ramës dhe Arta Markut: Të shpëtohet Saimir Tahiri…

0
127

Shumë shpejt Saimir Tahiri do t’i shohë kushurinjtë e tij, anëtarët e grupit kriminal që ai vetë drejton, prapa hekurave. Habilajt do të marrin dënimin që meritojnë. Por kjo gjë ka alarmuar kumbarin e tyre dhe kryekumbarët e tjerë në krye të institucioneve.

Edi Rama, Arta Marku dhe të gjithë veglat në shërbim të Ramës po bëjnë gjithçka që të shpëtojnë Saimir Tahirin. Taktika e tyre për të ndarë gjyqin e Tahirit me atë të Habilajve duket si një përpjekje e dëshpëruar.

Gjyqi i Tahirit nuk ka pse të jetë veçmas me 19 janar por bashkë me atë të Habilajve, të gjithë bashkë në një kafaz të pandehurish.

Të mos harrojmë se Tahiri është i inkriminuar kokë e këmbë me këtë bandë dhe provat janë të panumërta dhe në sytë e të gjithëve. Vetëm italianët kanë një dosje 400 faqëshe plot me fakte.

Provat dhe faktet kanë dalë njëra pas tjetrës. Dhe vijojnë ende dalin. Edhe sot e kësaj dite. E kemi parë Tahirin teksa merr miliona euro nga trafikantët dhe dhurata super të çmuara. Tahiri ka bërë udhëtime me jaht, me avion, me makinën e tij personale në të gjithë Evropën me kushërinjtë e tij trafikantë.

Çdo provë që del fakton se në fakt ai është drejtuesi i organizatës kriminale. Ndaj edhe ndarje e gjyqeve, në dy të veçanta, është një taktikë e Ramës. Ai ka urdhëruar Arta Markun të bëjë gjithçka në këtë drejtim. Kjo ka qenë detyra e vetme e Arta Markut dhe Donika Prelës që kur kanë ardhur në ato detyra: Të shpëtohet Saimir Tahiri.

Ndarja e dy proceseve gjyqësore, Tahirit dhe Habilajve, në dy të veçanta do të thotë të shkatërrosh çështjen në themel dhe organi i akuzës këtë ka bërë.

Si për ironi të fatit çdo ditë dalin elementë të rinj të çështjes që implikojnë Tahirin. Të mos harrojmë që ai vendosi në krye të Policisë së Shtetit, në të gjithë sektorët banditë.

Jo më larg se sot doli një tjetër përgjim. Një bisedë e Florian Habilajt me ish shefin e Policisë Kufitare në Dhërmi, Sokol Bode, i cili e telefonon vetë për ta takuar në lagjen “Çole” në Vlorë.

Kush e vendose Sokol Boden në atë detyrë? Sigurisht që Saimir Tahiri. Ashtu siç vendosi të gjithë drejtorët e policisë në qarqe, gjysmën e të cilëve e ka në arrati nëpër Evropë.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here