Standard.al

Misteri i Mona Lizës që të ndjek kudo…

0

Ka më shumë mistere te Mona Liza se vetëm buzëqeshja e saj e mistershme.

Efekti Mona Liza quhet koncepti se sytë e saj ju ndjekin nga çdo kënd që e shikoni. Ky mister ka magjepsur mijëra adhurues të artit.

Por një grup shkencëtarësh nuk janë të bindur nga misteri i portretit të famshëm të Leonardo da Vinçit.

Studiuesit nga Universiteti i Bielefeldit në Gjermani e vështruan nga afër këtë efekt për të parë nëse sytë e Mona Lizës vërtet ndjekin nga çdo kënd shikuesin që lëviz përpara pikturës në muzeun e Luvrit në Paris.

“Njerëzit e vlerësojnë shumë mirë nëse janë apo jo duke u vëzhguar nga dikush tjetër thotë psikologu Gernot Horstmann, një ekspert për lëvizjen e syrit dhe bashkëautor i një studimi mbi efektin Mona Lisa të botuar këtë javë në revistën i-Perception, raporton Newsbomb.al.

Studiuesit thonë se ky efekt ndodh vetëm kur objekti i një fotografie ose pikture shikon përpara drejt shikuesit. Ata i zmadhuan sytë e Mona Lizës në një ekran kompjuteri dhe përdorën një grup vullnetarësh për të raportuar mbi efektin.

Nga studimi rezultoi mungesë e konstatimit të këtij fenomeni dhe shkencëtarët konkluduan se Mona Liza nuk e ndjek shikuesin me sy.

Leave A Reply

Your email address will not be published.

This site uses Akismet to reduce spam. Learn how your comment data is processed.