Vepra e fundit e shkrimtarit Ismail Kadare, “Kur sunduesit grinden” e cila erdhi për lexuesin në Panairin e Librit është renditur ndër librat më të mirë të vitit 2018. Instituti Europian Pashko ka bërë publik dje listën e 10 librave më të mirë të vitit sipas një anketë ku morën pjesë rreth 100 personalitete nga fusha e kulturës dhe e medias.
Alda Bardhyli drejtore e botimeve UET PRESS e quajti këtë anketë të rëndësishme përmes së cilës shohim një tablo të zhvillimeve letrare gjatë një viti, por dhe rikthen vëmendjen ndaj autorëve dhe letërsisë shqipe. “Qëllimi i kësaj ankete është të mbështesë botimet e reja shqipe në të gjitha gjinitë, pasi anketa nuk u fokusua vetëm tek letërsia por dhe publicistika apo historia. Janë 130 botime të nominuara si librat më të mirë të vitit, të cilat tregojnë që ka një lëvizje në rritje të mendimit dhe krijimtarisë së autorë ve shqiptarë . Librat e përzgjedhur treguan dhe një vë më ndje në rritje të kritikë s apo botë s së medias ndaj leximit ndaj botimeve të reja”, tha Bardhyli.
Në vendin e dytë renditet shkrimtarja Diana Culi me romanin e saj të ri “Vrasje në kryeministri”. Çuli rikthehet pas botimit të romanit “Hoteli i drunjtë ” në vitin 2011 në zhanrin e letërsisë thriller, shumë pak e njohur në vend. Në vendin e tretë renditet shkrimtari Enkel Demi i njohur me pseudonimin Tom Kuka me romanin “Gurë t e vetmisë ”. Në vendin e katër renditet Kim Mehmeti me romanin “Pusi” ndërsa në vendin e pestë libri më i ri i Mitrush Kutelit “Hekuri dhe çeliku”. “Vila me tri porta” e Vera Bekteshit renditet në vendin e gjashtë . Shkrimtari Gazmend Kapllani renditet i shtati më “I keqi i vetes”. Në vendin e tetë është Mimoza Ahmeti me romanin “Tutori”. Flutura Acka vjen në vendin e nëntë me përmbledhjen poetike “Roja i dritës”. Ndërsa në vendin e dhjetë është fituesi i çmimit Kadare, Virgjil Muci me romanin “Piramida e shpirtrave”. Për Bardhylin kjo anketë synon të kthehet në një traditë çdo fund viti, për ti dhënë më shumë zë letërsisë në vend. “Ajo çfarë është e rëndësishme është fakti që kjo anketë , por dhe shumë debate letrare të iniciuara gjatë kë tij viti e kanë bërë letërsinë të jetë një faktor në vend”, tha ajo.1. Kur sunduesit grinden, Ismail Kadare
- Vrasje në kryeministri, Diana Çuli
- Gurët e vetmisë, Tom Kuka
- Pusi, Kim Mehmeti
- Hekuri dhe çeliku, Mitrush Kuteli
- Vila me tri porta, Vera Bekteshi
- I keqi i vetes, Gazmend Kapllani
- Tutori, Mimoza Ahmeti
- Roja i dritës (poezi), Flutura Açka
- Piramida e shpirtrave, Virgjil Muçi