Një automjet ka shpërthyer dhe më pas është djegur.
Ngjarja ka ndodhur në qytetin e Korçës mbrëmjen e sotme dhe sipas policisë shkak është bërë një shkëndije në impiantin e gazit.
Sipas policisë, makina ishte pranë një karburanti në momentin kur është përfshirë nga flakët.
Raportohet se shpërthimi ka qenë i fuqishëm. Mësohet se makina është në pronësi të një femre, e cila është dërguar në spital për shkak të tronditjes.
Ende nuk dihet shkaqet dhe rrethanat në të cilat kanë rënë flakët. Policia po punon për zbardhjen e plotë të ngjarjes.