Media prestigjoze britanike “The Telegraph” shkruan në lidhje me fatin e shqiptarëve që mbërrijnë në Britani me anë të kontrabandimit. Kjo media nënvizon se një pjesë e këtyre shqiptarëve detyrohet të punojnë në ferma kanabisi.
Në këtë media shkruhet se emigrantët shqiptarë sillen në Britani me para të shumta dhe se ata për të paguar borxhet që i kanë kontrabanduesit, detyrohen të punojnë në fermat me hashash. Një numër gjithnjë e më i madh i emigrantëve ilegalë shqiptarë janë zbuluar në muajt e fundit duke punuar si ‘kopshtarë’ të ulët në fabrikat sekrete të kanabisit.
Besohet se është rrjet i tërë shqiptarësh në Britani që vepron në formë bandash dhe organizate krimi. Kështu së paku shprehen edhe zyrtarë të lartë në Tiranë. Shqiptarët mësohet se kanë marrë nën posedim trafikun e kanabisit dhe të kokainës. Nga Ministria e Drejtësisë e Britanisë së Madhe jepen shifra të frikshme të shqiptarëve në burgjet angleze. Ky fenomen dramatik vjen për arsyen e thjeshtë: të kontrabanduarit duhet të kthejnë borxhet dhe për të arritur paratë sa më shpejt, detyrohen të merren me drogë ose të punojnë në ferma hashashi ose kokaine.