Studentët që po qëndrojnë e protestojnë para Kryeministrisë shprehen të vendosur se do e gdhinë natën atje derisa kërkesat e tyre të plotësohen. Ata janë shprehur se kanë marrë bukë me vete dhe nuk do të dorëzohen për kërkesat e tyre.
Pas skadimit të ultimatumit të vendosur për qeverinë në lidhje me plotësimin e 8 kërkesave, studentët kanë nisur përshkallëzimin e protestës. Teksa një pjesë vendosi të bllokonte rrethrrotullimin tek “Zogu i Zi”, një pjesë e tyre nisën marshimin drejt Kryeministrisë.