Inspektorati i Mbrojtjes së Territorit i Bashkisë Tiranë ka prishur gjatë ditës së sotme dy godina 3-katëshe pa leje në gjurmën e Unazës së Madhe të Astirit.
Fillimisht është bërë boshatisja vullnetare, sipas bashkisë, e ndërtesave që shërbenin për banim dhe bizneseve nga materialet e vlefshme dhe orenditë shtëpiake, ndërsa më pas makineritë e rënda të IMT-së kanë ndërhyrë për të bërë shembjen e tyre.
Ndërkohë që paralelisht me prishjen e ndërtimeve pa leje, makineritë e IMT-së dhe ndërmarrjeve të tjera bashkiake kanë bërë dhe largimin e mbetjeve inerte pas procesit të prishjeve të këtyre godinave.
