Dita e shtunë do sjellë emocione të veçanta sportive teksa në stadiumin e Londrës “Stamford Bridge”, skuadra e Maurizio Sarrit pret kampionët në fuqi të Manchester Cityt.
Kjo sfidë pritet me interes të lartë nga opinionin sportiv në Angli, por edhe në vendet e tjera ku shijohet futbolli anglez.
Trajneri i londinezëve i pyetur se si mund ta ndalojë trajnerin Pep Guardiola, ka dhënë një përgjigje epike.
“Nuk e di, mos më pyesni mua, sepse gjithmonë kam humbur me të.”, tha ai. Kjo përgjigje e tij shkaktoi të qeshura tek të pranishmit në sallë, ndërkohë një përgjigje e tillë është shpërndarë me shpejtësi në mediat sportive.