Pas vendimit të Gjykatës së Apelit, e cila dha pafajësi për Shpëtim Gjikën, duke hedhur kështu poshtë kërkesën e Prokurorisë për shpalljen fajtor të ish-kryebashkiakut të Vlorës, i cili akuzohej për “falsifikim të dokumenteve”, për dy lejet ndërtimi të dhëna për dy pallate në Vlorë, i menjëhershëm ka qenë reagimi i Genc Sejkos i njohur ndryshe si njeriu i memeve.
Përmes një postimi në ‘facebook’ ai shkruan se fajtor nuk janë as Shpëtim Gjika që falsifikoi dokumentet, as vjehrri i Bashës që i ndërtoi dhe as Rama që i shkatërroi.
Me tone ironike Sejko shkruan se fajtor jemi ne që paguajmë taksat.
Postimi i Genc Sejkos:
Shpetim Gjika shpallet i pafajshem nga gjykata e apelit. Dmth nuk ka faj as Shpetimi qe dha lejen. As vjerri i Bashes qe e ndertoi. E as Rama qe e prishi dhe pastaj e kompensoi. Fajin e paskemi pasur ne qe paguam faturen