Një ngjarje e rëndë është regjistruar në orët e para të mëngjesit të sotëm në qytetin e Elbasanit ku një granatë ka shpërthyer në një lokal në qytetin e Elbasanit. Si pasojë e shpërthimit një person ka mbetur i plagosur dhe ndodhet në gjendje të rëndë shëndetësore.
Mesohet se shpërthimi ka ndodhur rreth orës 03:45. Ngjarja ka ndodhur në një nga lagjet kryesore tē Elbasanit jo shumë larg qendrës. Nga shpërthimi ka mbetur i plagosur pronari i lokalit, 32-vjeçari me iniciale A.A.
Burime të besueshme raporojnë se shpërthimi ndodhi në vendin e quajtur “Gurabardhi”. Nuk jepen detaje të tjera rreth ngjarjes , ndërkohë që forca të shumta policore ndodhen në vendin e ngjarjes .
Njoftimi i policisë:
Në orët e para të mëngjesit në lagjen “Partizani”, Elbasan në ambjentet e një lokali është hedhur një granate dore e cila ka shpërthyer, dhe për pasojë është dëmtuar pronari i lokalit shtetasi A.A., rreth 32 vjeç, i cili ndodhej në lokal në ato momente.
I dëmtuari është transportuar në Spitalin e Elbasanit në gjendje të rëndë.Grupi hetimor ndodhet në vendngjarje dhe po punon për, zbardhjen e rrethanave të ngjarjes si dhe identifikimin e kapjen e autorit/ve.
