‘Shullazi’, ambasada gjermane: Askush s’mund të qëndrojë mbi ligjin

0
188

 

Pas ambasadës së SHBA në Tiranë, ka ardhur edhe reagimi i ambasadës gjermane në Tiranë në lidhje me dënimin e Emiljano Shullazit  dhe grupit të tij.

Përmes një postimi në Facebook, ambasada gjermane ka përshëndetur faktin që është dhënë një vendim dënimi nga Gjykata e Krimeve të Rënda dhe sipas saj, askush nuk duhet të qëndrojë mbi ligjin.

Ambasada shprehet se  përmirësimi i bilancit të sukseseve në luftën kundër krimit dhe korrupsionit është detyra kryesore për integrimin e Shqipërisë.

“E kam ndjekur me shumë vëmendje procesin ndaj pesë të pandehurve në çështjen Emiljano Shullazi dhe përshëndes faktin që tanimë është marrë një vendim në shkallë të parë. Vendimet e Gjykatës për Krimet e rënda të bëra të ditura ditën e djeshme tregojnë, që askush nuk qëndron mbi ligjin, sikundër nënvizojnë forcën e shtetit ligjor në Shqipëri.

Është e rëndësishme që drejtësia shqiptare të vazhdojë të veprojë kundër krimit të organizuar mbi bazën e ligjit dhe të drejtës. Përmirësimi i bilancit të sukseseve në luftën kundër krimit të organizuar dhe korrupsionit është një nga detyrat qendrore të Shqipërisë në rrugën e saj drejt Bashkimit Evropian”- thotë ambasada.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here