Ish-Kryeministri Berisha ka bërë publike në “Debati” në “Channel one” deklaratën e një ambasadori të rëndësishëm në një takim me të. Berisha tha se ambasadori i kishte thënë se “do të arrestojmë Vangjush Dakon”. Berisha nuk dha emrin e ambasadorit, por tregoi pjes ëtë bisedës me të. Ish-Kryeministri kishte reaguar pas deklaratës me ambasadorin duke thënë se do të ishte e pamundur që të arrestohej Dako për shkak të lidhjeve me Ramën. “Përgjigjja e ime për ambasadorin ishte se nuk mund të lejojë Rama të arrestohet gjysma tjetër e tij. Koha më dha të drejtë mua”, tha Berisha.
Deklarata e Berishës është një dëshmi e qartë se tashmë janë ndërkombëtarët ata që po reagojnë për dosjet e lidhjeve të krimit të organizuar me njerëzit e Ramës në qeveri dhe në pushtet. Berisha tha se ishte pikërisht kërkesa për arrestimin e Gjushit që largoi Xhafën nga ministër i Brendshëm.
Berisha tha më tej se, çdo ditë kanë dalë dhe do të vijojnë të dalin dosje të cilat tregojnë se si kjo mazhorancë ka punuar për blerjen e votave dhe presionin ndaj votës së lirë të qytetarëve.
‘Nëse e merr në raport me zgjedhjet situata është katastrofave, pasi çdo javë po dalin dhe do dalin dokumente zyrtare ku e gjithë nomeklatura e sotme e pushtetit është e angazhuar në blerjen e votës, në këtë kontekst mund tu kujtoj se bashkia e Gjirokastrës ka 7 bashki dhe Tirana me 1 milionë banorë ka 4 bashki, kjo tregon një ndarja administrative katastrofave.
Shqipëria po ecën me shpejtësi mbrapa dhe po shënon rekorde më të zeza se tjetrin. Me këto që po ndodhin vetëm sapo trashen muret e ndërtuara që kanë bllokuar Shqipërinë për në BE. Kështu që nëse e marrim në këto dy procese madhore kombëtare, për ne nuk mund të ketë proces tjetër tjetër më jetik se integrimi. Këto 6 vite dyert i ka mbyllur dhe po i mbyll Edi rama’, deklaroi Berisha.
