Arkimed Lushaj, i njohur si “Stresi” është arrestuar nga efektivë të policisë të Tiranës.
Reperi Stresi është vënë në pranga nga policia në kuadër të operacionit Forca e Ligjit, si anëtar i një “grupi kriminal që operon në Tiranë në lidhje me aktivitetin e kundërligjshëm me tendencë “Trafikim narkotikësh” dhe “Krimeve kundër personit”, thotë policia.
Policia ka publikuar momentin e arrestimit të reperit të njohur Arkimed Lushaj i njohur me emrin artistik Stresi.
Këngëtari është arrestuar në një dhomë hoteli në zonën e Linzës në kryeqytet në orët e vona të pasdites së djeshme.
Këngëtarit iu gjet në momentin e arrestimit armë pa leje dhe një sasi kokaine. Sipas policisë Lushaj ka qenë pjesë e një grupi kriminal, i cili operonte prej disa kohësh në kryeqytet, veçanërisht në trafikimin e lëndëve narkotike